Nimmerland

Strophe I

nüt isch hie für immer man, chum mit mir is nimmerland

dert wo tröim a iserne fädä hangä und no schtimmä - ja

lütmer bitte nümme ah, fragmi bitte nümme ah

i weiss ni was du wosch aber am morge bini nümme da

ufbruchsschtimmig mini generation

ruehelos und asozial das heimer iz dervo

fantasie verblüeht wiene rose imne glas

uf der suechi nach chli troscht, almose und spass

schiffbruchsschtimmig dini generation

de ligi garnid so dernäbä wäge ruehelos und so

der chlin prinz uf reise wo sache entdeckt

hüt zu tags nümme da - i schachtlene gsteckt

trotzdäm fahreni witer, packi wider hoffnig i das schribe

wiu villäch bis zum schluss ä chlinä prinz wird blibä

und dä sech usetrout wäge dene schtimme da

und mi när begleitet uf mim längä wäg is nimmerland

 

Hook

und wenn si hüt sägä, dass kes morn meh gitt

lami bitte la schlafe, besser morn aus iz

und wenn si hüt sägä, dass kes morn meh gitt

lami bitte la schlafe, besser morn aus iz

 

gimer d hang, gimer d hang, mir flügä dervo

villech nur fürne tag däm autag z entcho

simer zämä bini nid allei, füähli mi bi dir dehei

i gibes zue das gfüähl macht besässä

 

gimer d hang, gimer d hang, mir flügä dervo

villech nur fürne tag däm autag z entcho

simer zämä bini nid allei, füähli mi bi dir dehei

villech nur wius eifach laht vergässä

 

Strophe II

auso boueni mini tröim witerhin imene värs ih

wiusmi villech befreit unds mi fröit wesechs när rihmt

flüchteni usem autag, der moderne versklavig

für es paar schtung schpeter z merke dasi immerno da bi

so viu löh der chopf la hange wiene blueme amene wägrand

und die wäut isch langsam aber sicher meh aus schlächt drann

drum tröimä ig vom nimmerland, pandora oder utopia

wiu eines tages schaffis ja villech mau derthärä z gah

d fantasie mini waffä gäg die herrschendä mächt

wiu geiz um d fantasie, sih si aui rächt schlächt

aber ahnschinend schint das hie eifach niemmer z intressierä

aues louft mir müässä üs nümm nöi chönnä kreiärä

tüenis lieber witer uf auti sache konzentrierä

mir lös ä so wies isch, wiu mir mögä nümm schtudierä

wiu d bequemlechkeit länkt üs i abgrund

doch sih si erläch, wettä si au furt

 

Hook